Ny tontolo iainana

Home » Socolait » Ny tontolo iainana

Ny tontolo iainana

SOCOAINA. Ho lovan’ny taranaka mifandimby

Satria zava-dehibe ny fiarovana ny planeta, SOCOLAIT dia nametraka drafitra mazava sy maharitra hanamaivana ny fiantraikan’ny asanay eo amin’ny tontolo iainana, amin’ny alalan’ny tetikasa SOCOAINA, izay handraisain’ireo mpiasa sy ireo mpiara-miombon’antoka anjara feno.

Ny tetikasanay

mitandro ho faran’izay kely ny fiantraikan’ny asa ataonay eo amin’ny tontolo iainana

Fampihenana ny rano sy herinaratra ampiasana

Fanentanana sy fampatsiahivana isam-bolana ho an’ny mpiasa rehetra amin’ny maha zava-dehibe ny rano sy ny herinaratra

1 isam-bolana ny fampatsiahivana

Fampihenàna ny fako plastika

Fanalàna ireo tavoahangy plastika amin’ireo toeram-piasana rehetra : fametrahana loharano misy rano madio ary fanomezana gourde ny mpiara tsirairay

0 ny isan’ny tavoahangy plastika nampiasana tamin’ny 2023
100% amin’ireo mpiara-miasa no nahazo gourde

Fambolen-kazo

Ataon’ireo mpiara-miasa sy ny fianakaviany isan-taona, ho fiarovana ny tontolo iainana sy ho fampianarana ny lanjany ho an’ireo taranaka fara-mandimby.

6 000 ny isan’ny hazo nambolena.

Fanavahana ny fako

Fanaparitahana fanariam-pako sy fampahatsiahivana ny fomba fampiasàna azy isan’andro

220 000 kilao ny fako voasokajy hatramin’ny anio.

Biogaz

Fanodinana ny fako organika ho lasa angovo madio amin’ny alalan’ny famokarana biogaz mba hialàna amin’ny fampiasàna gaz mahazatra